:::::: بــســمــ الــلــه الــرحــمــنــ الــرحــيــمــ ::::::
:::::: الــســلامــ عــلــيــكــمــ ورحــمــة الــلــه تــعــالــى وبــركــاتــهــ ::::::
::::::هــادا الــمــوضــوعــ بــايــنــ مــنــ عــنــوانــو ::::::
::::::يــعــنــيــ رايــحــيــنـــ نــعــطــو لاخــوانــا واخــواتــنــا فــالــمــنــتــدى اكــلاتــ صــحــراويــةـ ::::::
::::::بــصــح بــطــريــقــة مــجــازيــة الــشــعــر يــقــولــ ::::::
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
واد ريغ الزينة والصحرة مكلتها بنينة
وعزيزة علينا طيب نفسك يا انسان
نبدا بالكسرة من الاصناف عندي عشرة
رقاق الدشرة المطاوي والخماير الوان
زيد المختومة بنينة حارة ميدومة
تفيق من النومة وريحها يشبع جيعان
زيد الحبات زيد الحبات محكوك في بعض الجيهات
وفي كل الاوقات ليه الفضل والاحسان
جداتي المرحومة علمتني ناكل المرشومة
جداتي المرحومة علمتني ناكل المرشومة
ما نبيعها بسومة هيا والمطرشق خوات
ياو بالبيطراف
ياو بالبيطراف غير زهي من عندك ظاف
القعدة تلطاف ويزهو بيه الخلان
هيي الترشاق
هيي الترشاق بش نحمو البندراق
هيي الترشاق بش نحمو البندراق وكثر التصفاق علـــى خضرت الجنان
لبيض المراشا
لبيض المراشا هي ماكلت العراسا
طابلة وكراسا يا محلاها في لصحان
ويلي مضرور انفع روحك بالمرور
يلي مضرور انفع روحك بالمرور ماكلا وسرور والطعم عليها فتــان
وتسيل الريقة
وتسيل الريقة كي ناكل شوية زريقة
مانديرش ديقا ونبقا راضي فرحان
ونضن تعرفوها القرايف مكانش خوها
معا الحمص ناكلوها والكل يولي شبعان
الباطوط الجديد حار وحامض يا رشيد
اتولي سعيد ونشاطك تاع فيئام
حيو معانا الشخشوخة
حيو معانا الشخشوخة هيا ماكلت الشيوخة
معا تمر الشمروخة محلاها فالرجفان
شوف المرتبة والشان
والبنة هيبة الرحمن ولي يكدب يا الاخوان
يدوق السفة في رمضـــــــــان
وكي المعتاد
كي المعتاد ندوقو شوية جماد
شوف خبرة الجداد وفن الطبخ يا فنان
وهادي علامة هدي علامة عشرة من عشرة
بتمامة للقرن وطمطامة كسكروطك يا فنيان
لصناف ما نتمم لصناف ما نتمم
كثيرة غير اكتب وحمم
فالمرق لقيتني نخمم وكل غاليين الشان
وغير عدروني ادا نسيت صنف لا تلوموني
لصناف سلبوني وكل راهم سيان
واد ريغ الزينة والصحرا ماكلتها بنينة
وعزيزة علينا طيب نفسك يا انسان
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
يعطيكم الصحة ........شكرا